“Істі болған…”. Денис Тенді өлтірді деген күдікті туралы тың дерек шықты
Қазақстандық танымал мәнерлеп сырғанаушы Денис Тенді өлтірді деген күдікпен ұсталған жігіт бұған дейін әкімшілік жауапкершілікке тартылған, деп хабарлайды Sputnik Қазақстан агенттігі.
Әкімшілік іс өткен жылы Жамбыл облысы Меркі аудандық сотында қаралған. Қаулыға сәйкес, Нұралы Қиясов осы облыстағы Жамбыл ауылының тұрғыны. Қаңтар айында ол Меркі ауылының көшесінде Mazda 626 көлігін мас күйінде жүргізген.
Сот Қиясовты ҚР Әкімшілік құқық бұзушылық туралы кодекстің 608-бабының бірінші бөлігі, яғни “Көлік құралын жүргізушінің мас күйінде жүргізуі” бойынша кінәлі деп тауып, үш жылға жүргізуші куәлігінен айырды.
Бұдан бөлек, Меркі аудандық соты өткен жылы Қиясовтың үстінен қылмыстық кодекстің 188-бабы “Ұрлық” бойынша қозғалған іс жабылып қалыпты, өйткені тараптар өзара мәмілеге келген.
Еске сала кетсек, полиция спортшыны өлтірді деген күдікпен 24 жастағы Нұралы Қиясовты ұстаған болатын. Ол кінәсін мойындады. Қазіргі уақытта екінші күдікті – Қызылорда облысының 24 жастағы тумасы Арман Құдайбергенов іздестіріліп жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе