Хорватия президенті Колинда Грабар-Китарович өз құрамасының нағыз жанкүйері екенін тағы бір мәрте дәлелдеді. Ел басшысы Хорватия мен Дания арасындағы ойынды шенділер отыратын жерде емес, қарапайым жанкүйерлер арасында тамашалаған.
Көпшілікті жоғары лауазымды адамның қарапайым халық секілді футбол тамашалауы тәнті қылды. Хорватиялық жанкүйерлер құрамасының жеңісін ел басшысымен бірге тойлаған.
Айта кетейік, бұндай жағдай Хорватия президенті үшін алғаш рет болып тұрған жоқ.
Ол бұған дейін де ұлттық құрамаға қолдау білдіру үшін әлемнің түкпір-түкпіріндегі елдерге де барудан жасқанбаған.
Дерек көз:Nur.kz.