Шымкенттегі педофилге қатысты жаңа деректер пайда болды

Бүкіл елдің жағасын ұстатқан жағдай 1-ші шілде күні болған. Ер адам подъезге жеткіншекті жетектеп кіріп, бас салғанын сол жерде тұрған бейнекамераға түсіп қалды.

Бұл туралы КТК арнасы хабарлайды.

Ата-әжесінің үйіне қыдырып келіп, аулада ойнап жүрген 11 жасар баланы ересек еркек алдап шақырып, құшақтамақ болады. Бір мәрте одан қашып құтылған бала үйіне кірмекші болған кезде артынан келіп, тарпа бас салады. Кіре берісте баланың аузын жапқан күйі, ұрып-соғып,  шалбарын шешкен. Сөйтіп, зорламаққа әрекеттеніп жатқан кезде көрші әйел кіріп қалыпты. Күдікті сол мезетте тайып тұрған.

“Домофонды басып тұрғанда артынан келген  ғой.   Жан дауысы шықты дейді баланың. Айналайын, несін сұрайсың сұмдық қой бұл. Бала бір ауыз сөйлеп, жылай береді”, дейді баланың әжесі.