Иранда қазақстандық режиссер Қанат Бейсекеев ұсталды

Иранда деректі кино түсіретін қазақстандық режиссер, сценарист әрі оператор Қанат Бейсекеев ұсталды. Бұл туралы PR-маман Әлішер Елікбаев хабарлады.

“Ол бұл елде фильм түсіріп жатыр еді. Енді Ирандағы қазақтар туралы фильм шыға ма, жоқ па – белгісіз. Көп болды сол жақта жүргеніне. Енді ғана біліп отырмын. Ешқандай да мән-жайын білмеймін. Оны ұстап, барлық құрал-жабдығын тәркілепті. Бұған дейін ол Моңғолиядағы қазақтар туралы фильм түсірген, кейін Өзбекстанға барып, сондағы қазақтар жайлы фильм түсірген, енді Иранға барған”, – деді Әлішер Елікбаев.