Қостанайда университеттің кафедра меңгерушісі күйеуінің қолынан қаза тапты
З.Алдамжар атындағы Қостанай университетінде өзінің күйеуінің қолынан қаза тапқан 35 жастағы Ольга Исенова инженерлі-технологиялық кафедраның меңгерушісі қызметін атқарған, деп хабарлайды ҚазАқпарат.
Ольга Исенова Алматыдағы М.Тынышпаев атындағы Қазақ көлік және коммуникациялар академиясын аяқтап, З.Алдамжар атындағы Қостанай университетіне қызметке тұрады.
Қостанайлық БАҚ беттерінде университет күзетшілерінің қаза болған оқытушының күйеуін танитындығы туралы жазылды. Оның оқу орнына суық қару алып кіргендігін университет қызметкерлері растамады.
Еске салсақ, кеше ер адам университетке келіп, оқытушыны бауыздап тастаған.
Артынша өзі ғимараттың сегізінші қабатынан секіріп, көз жұмды. Жәбірленуші оның әйелі болған. Ерлі-зайыптылардың артында екі баласы қалды. Облыстық ІІД баспасөз қызметі аталған оқиғаға қатысты ресми мәлімдеме жасаған жоқ.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз