Көкшетауда көлік тізгіндеген әйел үш қызды қағып кеткен
Көкшетауда көлік тізгіндеген 39 жастағы әйел бағдаршамның қызыл түсіне өтіп үш адамды қағып кеткен. Бұл туралы қалалық ІІД баспасөз қызметі хабарлады.
Оқиға 28 наурыз күні сағат 19:00 шамасында Абай және Пушкин көшелерінің қиылысында орын алған.
Полицейлердің айтуынша, «Хонда» көлігімен келе жатқан 1979 жылғы әйел бағдаршамның жасыл түсіне қарамаған. Салдарынан жаяу жүргінші жолағында өтіп бара жатқан 2002 және 2001 жылы туған үш қызды қағып кеткен.
Жол апатынан зардап шеккендердің бірі түрлі дене жарақатымен аурухананың травматология бөлімшесіне жатқызылса, екеуі дәрігерлердің тексеруінен кейін үйлеріне жіберілді.
ҚР ҚК-нің 345-бабы бойынша іс қозғалды. Қазір тергеу амалдары жүргізілуде.
Полиция қызметкерлері жүргізушінің сау болғанын растады.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз