“Күйеуім жұмыссыз…”. Атырауда үш балалы ананың салмағы 25 келі боп қалды (фото)
Атырау облысында үш баланың анасы Зухра Ахметованың салмағы 25 келі боп, жағдайы мүшкіл халге жеткен.
Бұл туралы mgorod.kz хабарлады.
Үш жыл бұрын Құрманғазы ауданына қарасты Орлы ауылының тұрғыны 28 жастағы Зухра Ахметованың бетінде ісік пайда болған. Бірақ ол кезде оның аяғы ауыр болыпты.
Ал бетіндегі ісікті тексертуге барған Астрахань қаласындағы емхана дәрігерлері оған баланы дереу алып, бетіне ота жасау керектігін айтқан. Зухра дәрігерлер сөзін елемей, баласын аман-есен босанған, бірақ өзінің жағдайы күннен күнге қиындап барады.
Жиі есінен танып қалады. Үш жылға созылған ауру кесірінен мүлдем тамақтануды қойған үш баланың анасы жантүршігерлік жағдайға жетіпті.
Күйеуі жұмыссыз қалып қойғаннан кейін Зухраның тиісті медициналық тексерістен өтіп, ота жасатуына қаражат тапшылығы кедергі болып тұр.
Әлеуметтік желіде жарияланған қайырымдылық қорының арқасында тек қана бір миллион теңге жиналған. Ал қажетті қаражат шамамен он миллион теңгені құрайды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе