Елбасының төрағалығымен Қауіпсіздік кеңесінің жиыны болды
Бүгін Мемлекет басшысының төрағалығымен Қауіпсіздік кеңесінің жиыны өтті.
Бұл туралы Ақорданың баспасөз қызметі хабарлады. Отырыста 2017-2020 жылдарға арналған Ұлттық қауіпсіздік стратегиясын іске асыру мәселелері, сондай-ақ, Оңтүстік Қазақстан облысындағы қоғамдық-саяси, әлеуметтік-экономикалық және діни ахуал қарастырылды.
Мемлекет басшысы былтыр қабылданған Ұлттық қауіпсіздік стратегиясы туындайтын қауіптер мен сын-қатерлерді анықтауға және оларға уақтылы тойтарыс беру шараларын қолдануға мүмкіндік беретінін атап өтті.
– Былтыр біз ұлттық қауіпсіздікті қамтамасыз ету саласында бағдарламалық құжат қабылдадық. Ұлттық қауіпсіздік қорғаныс немесе ішкі саясатта ғана емес, сонымен қатар экономика, өскелең ұрпаққа тәрбие беру және басқа да барлық салаларда қамтамасыз етілуге тиіс, – деді Қазақстан Президенті.
Отырыс қорытындысы бойынша Мемлекет басшысы орталық мемлекеттік және жергілікті атқарушы органдарға бірқатар нақты тапсырма берді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе