Түлкіні дубинкамен ұрып өлтірген жігіт ұсталды (видео)

Қарағанды облысында түлкіні дубинкамен ұрып өлтірген ер адамның кім екені анықталды. Енді ол айыппұл төлейді, деп хабарлайды Baq.kz ақпарат агенттігі.

Бұл туралы ҚР АШМ Орман шаруашылығы және жануарлар дүниесі комитетінің баспасөз хатшысы Сәкен Ділдахмет Facebook-тегі парақшасында жазды.

«Жедел іздестіру шаралары барысында түлкіні заңсыз жайратып салған адамның кім екені белгілі болды. Ол Қарағанды облысы Шет ауданындағы Ортау ауылының күзетші болып жұмыс істейтін тұрғыны болып шықты. Аталған азамат ҚР Әкімшілік құқық бұзушылық кодексінің 382-бабы бойынша әкімшілік жауапкершілікке тартылды. Қарағанды облысының орман шаруашылығы және жануарлар дүниесі аумақтық инспекциясы құқық бұзушыны 18 375 теңге төлеуге міндеттейді», – деп жазады Сәкен Ділдахмет.