Бүгін еліміздің басым бөлігінде қар жауады
Қазақстан аумағының басым бөлігіне циклон мен атмосфералық фронттар әсер етіп, салдарынан көптеген облыста қар жауады, боран соғып, тұман түседі, көктайғақ болады, деп хабарлады “Қазгидромет” баспасөз қызметі.
Қарағанды облысында желдің екпіні — 15-20, кей жерлерде 25 м/с, кей аудандарда боран соғып, тұман түседі.
Ақмола облысында түнде кей жерлерде, күндіз өңірдің басым бөлігінде жел соғады — 15-20, кей жерлерде ұйытқуы — 23-28 м/с, кей аудандарда боран соғып, көктайғақ болуы ықтимал.
Шығыс Қазақстан облысында, күндіз Жамбыл облысында кей жерлерде боран, көктайғақ, желдің екпіні — 15-20, бұрқасын — 23-28 м/с, Жамбыл облысында кей жерлерде тұман түседі.
Қызылорда, Оңтүстік Қазақстан облыстарында — тұман, көктайғақ, жел — 15-20, ұйытқуы — 25 м/с.
Қостанай, Ақтөбе, Атырау, Маңғыстау облыстарында кей жерлерде боран соғып, тұман түседі, желдің екпіні — 15-20 м/с, Атырау, Маңғыстау облыстарында кей жерлерде көктайғақ.
Алматы облысы Жалаңашкөл ауданында желдің екпіні — 15-20 м/с.
Батыс Қазақстан облысында кей жерлерде тұман түседі.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе