Павлодарда бухгалтер жалған дипломмен үш жыл жұмыс істеген
«Ертіс орманы» резерватының бухгалтері үш жыл бойы С.Торайғыров атындағы Павлодар мемлекеттік университетін бітірді деген жалған дипломмен жұмыс істеген, деп хабарлайды Baq.kz ақпарат агенттігі Today.kz-ке сілтеме жасап.
Қоршаған ортаны қорғау прокуратурасы анықтағандай, жұмысқа тұрарда әйел «Есеп және аудит» мамандығы бойынша тәмамдаған дипломын көрсеткен. Рамазанова оны 2011 жылы алған. Кейін мамандар дипломның жалған екенін анықтаған.
«Шарбақты ауданы Ішкі істер бөлімі «Қазақстан Республикасы Тәуелсіздігінің жиырма бес жылдығына байланысты рақымшылық жасау туралы» заңына сәйкес «Ертіс орманы» мемлекеттік орман табиғи резерваты бухгалтері Рамазановаға қатысты қылмыстық іс тоқтатылды», – деп мәлімдеді Павлодар облыстық прокуратурасында.
Күдікті рақымшылық жасау туралы өтінішті өзі білдірген. Қазіргі таңда жұмыс беруші сотқа жүгіну үшін келтірілген шығын көлемін есептеп жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе