Министрлік Асылбек Мусиннің өлімі жайлы мән-жайды айтты
Қазақстанның Сыртқы істер министрлігі Асылбек Мусиннің қаза болу мән-жайы туралы айтты.
Бұл туралы ҚазАқпарат хабарлады.
«Қазақстан азаматының қаза табу фактісі бойынша Рига қаласының полиция бөлімшесі қылмыстық іс қозғап, тергеу амалдарын бастады. Олар қайғылы жағдайдың неден болғандығын анықтайтын болады. Кеше Ригаға келген қаза болған азаматтың ағасы Қазақстан консулымен бірге сот-медициналық сараптамалық орталығына барып, Асылбек Мусиннің мүрдесін таныды», – деді ҚР СІМ баспасөз қызметінің жетекшісі Әнуар Жайнақов.
Полиция мәліметінде, Асылбек Мусин 15-қабаттың терезесінен құлаған.
«Асылбек Мусин Қазақстан елшілігінде консульдық есепте тұрмаған. Кейбір мәліметтерге сәйкес, оның Ригада тұруға ықтияр хаты болған», – деді ол.
Еске сала кетейік, біз бұған дейін ҚР Президенті Әкімшілігінің бұрынғы басшысы Аслан Мусиннің ұлы Асылбек Ригада өмірден озғандығы туралы хабарлаған болатынбыз.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе