Нығматулин Ұлыбритания елшісін қабылдады
ҚР Парламенті Мәжілісінің төрағасы Нұрлан Нығматулин Ұлыбритания және Солтүстік Ирландия Біріккен Корольдігінің Қазақстандағы елшісі Кэролин Браунды дипломатиялық мерзімінің аяқталуына байланысты қабылдады.
Бұл туралы ҚР Парламенті Мәжілісінің баспасөз қызметі хабарлады.
Нұрлан Нығматулин атап өткендей, Браун екі ел арасындағы байланыстарды, соның ішінде парламентаралық қарым-қатынасты тереңдету жолында жемісті еңбек етті. Нәтижесінде, Қазақстан мен Ұлыбритания арасындағы стратегиялық әріптестік қарқынды дамыды.
«Сонымен бірге Браун ханым тек саяси, мәдени, халықаралық байланыстарды нығайтып қана қоймай, әрбір ұлттық мейрамдарда қазақ тілінде жүрекжарды лебізін жеткізіп, мемлекеттік тілге деген ерекше құрметін көрсетті. Нұрлан Нығматулин елші ханымның шын мәнінде жоғары дипломатиялық тәжірибесі өзгелерге үлгі болуға лайықты екенін айтты», – деп атап өтілген Мәжіліс баспасөз қызметінің таратқан хабарламасында.
Айта кетейік, Кэролин Браун біздің елімізде 4 жыл қызмет етті.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе