“Тергеу басталды”. Оңтүстік Қазақстанда көмірдің бағасы арзандауы мүмкін

Оңтүстік Қазақстан облысында 13 көмір жеткізушіге қатысты бағаны алдын ала келісіп алды деген күдікпен тергеу жұмыстары басталды.

Бұл туралы ҚР Ұлттық экономика министрлігі Табиғи монополияларды реттеу, бәсекелестікті және тұтынушылардың құқықтарын қорғау комитетінің сайтына хабарлама ілінді.

«Комитеттің Оңтүстік Қазақстан облысы бойынша департаменті облыстағы көмірдің көтерме және бөлшек саудасымен айналысатын 13 нарық субъектісіне қатысты Қазақстан Республикасының Кәсіпкерлік кодексінің 169-бабының 1-тармағының 1)-тармақшасымен (бағаларды (тарифтердi), жеңiлдетулерді, үстеме ақыларды (қосымша ақыларды) және (немесе) үстеме бағаларды белгiлеуге немесе ұстап тұруға) бәсекелестікке қарсы келісімдер белгілері бойынша тергеу басталған», – делінген хабарламада.