Ақшасын төлесеңіз, Қызыл кітапқа енген дуадақты аулауға болады
Ұлттық аңшылық мақсатында Қызыл кітапқа енген дуадақты аулауға рұқсат етілген. Аңшылық кезінде бір дуадақтың құны – 590 мың теңге. Бұл туралы ҚР АШМ Орман шаруашылығы және жануарлар дүниесі комитетінің жануарлар дүниесі және аңшылық шаруашылығы басқармасының басшысы Бақытбек Дүйсекеев мәлімдеді, деп xабарлайды Baq.kz тілшісі.
«Дуадақ Қазақстанның Қызыл кітабына енген. Қазақстан заңы бойынша Қызыл кітапқа енген жануарларды кейбір жағдайларда пайдалануға болады. Оның ішінде ұлттық аңшылық мақсатында рұқсат етілген. Қазақстан жыл сайын биологиялық негіздеме бойынша саны 200-ге дейін дуадақты аулауға Үкіметтің қаулысымен рұқсат береді. Дуадақтың әрқайсысы бюджетке ақша әкеледі. Нақты айтып кетсек, қаулы бойынша әрбір дуадақты аулау үшін 200 АЕК төлеу қажет. Бұл дегеніміз бір дуадақтың құнынан бюджетке 590 мың теңге түседі», – деді Бақытбек Дүйсекеев.
«Оңтүстік Қазақстанның Бәйдібек ауданында үлкен орталық іске қосылды. Жылына бес мың дуадақты Қазақстан табиғатына жіберуге мүмкіндігі бар. 2017 жылы 1200 дуадақты жіберді. Жоспар бойынша жұмыс істеп жатыр. Орталықттың алдыңғы мақсаты – Қазақстан табиғатына жіберілетін дуадақ санын 15 мыңға дейін өсіру. Келісімшарт бойынша жұмыстар атқарылып жатыр», – деді ҚР АШМ Орман шаруашылығы және жануарлар дүниесі комитетінің жануарлар дүниесі және аңшылық шаруашылығы басқармасының басшысы Бақытбек Дүйсекеев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе