Талғар өзенінен табылған мәйіт. Полиция істің мән-жайын айтты
Алматы облысында Талғар өзенінен табылған ер адамның өліміне қатысты қылмыстық іс ашылды, деп хабарлайды Baq.kz ақпарат агенттігі.
2 қараша күні Кеңдала ауылының маңында Талғар өзенінен жергілікті тұрғындар ер адамның денесін тауып алған болатын. Белгісіз азаматтың азаптап өлтірілгені анықталды. Ер адам Балқаш ауданының тұрғыны екен. Оған жеті жерден пышақ салған.
«Қайтыс болған адамның немен айналысатынын, кіммен араласатынын анықтап, полицейлер қылмыскердің ізіне түседі. Қылмыстық іске қатысы бар деген күдікпен Қаратал ауданының 39 жастағы тұрғыны ұсталды», – деді полицияда.
«Анықталғандай, ішімдік ішіп отырған кезде екеуінің арасында жанжал шыққан, салдарынан күдікті бөтелкелесін өлтірген. Күдікті бұрындары да істі болған екен. Қазіргі уақытта қылмыстың мән-жайы анықталып жатыр», – деп мәлімдеді Алматы облысы полициясында.
Соталды тергеу амалдары жүргізіліп жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе