Неміс пилоты қауіпті маневр жасап жолаушылардың зәресін ұшырды (видео)

Air Berlin әуекомпаниясының жолаушылар ұшағы сәл болмағанда Дюссельдорф әуежайындағы ғимаратпен соқтығыса жаздады.

Видеода ұшақтың әуежай терминалына жақын ұшып бара жатқаны байқалады. Бұл кезде ұшу-қону жолағы әуе кемесінің артында қалған.

Майами-Дюссельдорф рейсін орындаға Airbus A330 лайнерінің бірінші пилоты қауіпті маневр жасаған. Кейін белгілі болғандай, ол компанияның банкротқа ұшырауына байланысты өзінің қызметтен кеткенін естіген.

“Біз барлығынан лайықты түрде кешірім сұраймыз”, – деді экипаж командирі ZDF неміс телеарнасына берген сұхбатында. Жолаушылар болса ұшақтың кенеттен бұрылыс жасағанынан қатты қорқып қалған.