Жас қыздарды алдап қашып жүрген ер адам ұсталды
Алматыда тәртіп сақшылары бір жыл бойы іздеген күдікті ұсталды, деп хабарлайды Today.kz. Ер адам жүйелі түрде алаяқтық жасап, адам тонаған, бір адамды өлтірген. Бұл туралы Алматы ІІД мәлімдеді.
“Күдікті Ж. есімді азамат 1983 жылы туған. Алматы облысының тумасы, бір жылдан бері іздеуде жүр. Оған көпэпизодты алаяқтық, кісі тонау, адам өлтіру істері бойынша айып тағылып отыр. Ол бұрын алаяқтық жасағаны үшін сотталған. Оның құрбандары – негізінен жас қыздар. Жұмыс істеу кестесі мынадай: ол жас қыздармен танысып, олардың көңілін аулаған, сеніміне кірген. Қыз оған сене бастағанда, кезекті кездесуде маңызды қоңырау шалған болып, тез арада бір жерге бару керектігін айтып, автокөлік кілтін сұраған. Қыздың көлігін айдап, сол кеткеннен мол кеткен. Алматыда кем дегенде 50 эпизод тіркелді”, – деп хабарлады Алматы ІІД криминалды полиция басқармасының бастығы Жанболат Зиадин.
2017 жылдың мамырында азамат Ж. Лексус автокөлігінің тізгінінде отырып, Каблукова көшесінде он тоғыз жастағы қызды қағып, оқиға орнынан ізін суытқан. Қыз қайтыс болды.
Күдікті қазір уақытша қамау изоляторында. Өз кінәсін толық мойындаған. Осы адамның әрекетінен зардап шеккендер Алматы ІІД-не хабарласа алады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе