Оны шатырдан туысқан інісі тауып алыпты.
Бұл туралы Қаратау аудандық прокуратурасы хабарлады. Тіркелген дерекке сүйенсек, полицияға хабар 26 қыркүйек күні сағат 17.43-те түскен.
Анықталғандай, 58 жастағы азамат Мәртөбе ауылындағы №27 мектепте 10 жылдан бері математика пәнінен сабақ беріп келген. Оның отбасы мүшелері де бүтіндей мектепте жұмыс істейтін болып шықты. Атап айтқанда, 55 жастағы әйелі, 33 жастағы ұлы мен келіні осы білім мекемесінде мұғалім болып істейді. Тіпті, ұлы мектеп директорының тәрбие ісі жөніндегі орынбасары екен.
«Аталған дерек ҚР Қылмыстық кодекстің 105-бабы 1-бөлігі, яғни «Өз-өзін өлтiруге дейiн жеткiзу» бойынша көрсетілген қылмыстық құқықбұзушылық белгілері бойынша Шымкент қалалық Ішкі істер басқармасы Қаратау аудандық полиция бөлімінде сотқа дейінгі тергеп-тексерудің бірыңғай тізіліміне тіркелді», – делінген Қаратау аудандық прокуратурасының хабарламасында.