Шығыс Қазақстанда бір еркек өз-өзін жарып жіберді
Шығыс Қазақстан облысында ер адам өзін-өзі белгісіз бір затпен жарып жіберіп, суицид жасады.
Бұл туралы Tengrinews.kz хабарлады.
Ер адамның денесін көшеде кетіп бара жатқан Белоусовка ауылының тұрғындары байқаған. Оның денесі күйген, түрлі жарақаттар болған. Сот-медициналық сараптамаға қарағанда, ер адам өзін-өзі жарып жіберген.
“Бұл дерек ҚР Қылмыстық кодексінің 105-бабы, яғни “Өзiн-өзi өлтiруге дейiн жеткiзу” бойынша сотқа дейінгі бірыңғай тергеу реестріне тіркелді. Сараптамалар тағайындалып, оқиғаның мән-жайы анықталып жатыр. Алдын ала мәлімет бойынша, 35 жастағы ер адам суицид жасаған”, – деп хабарлады ШҚО ІІД баспасөз қызметіндегілер.
Сондай-ақ, оқиға орнында қаза болған ер адамның ұялы телефоны табылған. Жіберілген хабарламада ер адам әйелімен қоштасып, одан екі баланы тәрбиелеуін сұраған. Құқық қорғау органдарының өкілдері ер адамның қандай затпен өзін-өзі жарып жібергенін анықтап жатыр.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз