“Тағы қар жауады”. Алдағы үш күнге қатысты ауа-райы болжамы жарияланды

Ауа-температурасы, әсіресе түнде төмендейді. Оған суық арктикалық ауа ағынының енуі себеп.

Ал қыркүйектің 28-інде еліміздің солтүстік және орталық аймағында жаңбыр жауады. Синоптиктердің болжауынша, қар жаууы ықтимал.

Мөлдір Есқалиева, «Қазгидромет» РМК инженер-синоптигі:

– Астана қаласы бойынша 26-27 қыркүйекте ауа-райы жауын-шашынсыз. 28 қыркүйекте жаңбыр күтіледі. Бүгін түнде сынап бағаны төмендеп,  -2,-4 градусты көрсетеді, ал 27-сінен бастап 2-ге дейін жоғарылайды. Күндіз 8-10 градус шамасында жылы болады.