Бүгін Қазақстанның басым бөлігінде қатты жел тұратындығы ескертілді
Бүгін еліміздің басым бөлігінде найзағай жарқылдап, жаңбыр, бұршақ жауады, дауыл соғуы ықтимал.
Қазгидрометтің хабарлауынша, еліміздің тек батысында, оңтүстік-батысында жауын-шашынсыз күн райы күтіледі.
Түнде Жамбыл облысының кей жерлерінде найзағай, бұршақ, дауыл болуы ықтимал.
Шығыс Қазақстан, Алматы облыстарының кей жерлерінде найзағай жарқылдап, желдің екпіні 15-20 м/с күшейеді.
Қостанай облысының кей жерлерінде найзағай жарқылдап, түнде кей жерлерде тұман түсіп, күндіз қатты жел соғады.
Ақмола, Павлодар, Қарағанды облыстарының кей жерлерінде найзағай, бұршақ жаууы мүмкін, жел 15-20 м/с күшейеді.
Оңтүстік Қазақстан облысының кей жерлерінде найзағай жарқылдайды, қатты жел соғады.
Түнде Қызылорда облысының кей жерелрінде найзағай, жел екпіні 15-20 м/с күшейеді.
Түнде және таңертең Маңғыстау, Ақтөбе облыстарының кей жерлерінде тұман түседі. Ақтөбе облысының кей жерлерінде де жел 15-20 м/с күшейеді. Қызылорда, Оңтүстік Қазақстан, Жамбыл, Алматы облыстарының кей жерлерінде өте жоғары өрт қауіпі күтілуде.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе