“Шаршап кеттім”. Шымкентте жоғалып кеткен 17 жастағы қыз табылды
Оңтүстік Қазақстан облысында бірнеше күннен бері із-түзсіз жоғалып кеткен 17 жастағы бойжеткен табылды.
Қызды жігіті алып қашып кеткен болып шықты деп хабарлайды ҚазАқпарат.
Қыздары жоғалып кеткен соң, ата-анасы полицияға арыз түсірген. Тәртіп сақшылары бірнеше күн іздестіру жұмыстарын жүргізіп, қызды Шымкенттегі пәтерлердің бірінен тапқан. Тергеу кезінде жасөспірім қыз ата-анасының тұрмысқа шығуына қарсылық білдірген соң осындай әрекетке барғанын айтыпты. Сондай-ақ сүйіктісінің өзін ұрламағанын жеткізіпті. Қазір осы жайтқа қатысты Қылмыстық кодекстің 126-бабы, яғни «Бас бостандығынан заңсыз айыру» бойынша іс қозғалып, тергеу шаралары жүргізілуде.
Сайрам аудандық ішкі істер басқармасының мәліметінше, жыл басынан бері осы ауданда үйлену мақсатымен 17 қызды ұрлау дерегі тіркелгенін айтып отыр. Алайда барлық жағдайда тараптардың татуласуына байланысты істер қысқартылып кеткен.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз