“Неге жаза жоқ?”. Жарты жылда 70 мектеп, 80 балабақша салуға арналған ақша ұрланды
Шенеуніктер әлеуметтік бағдарламаларға бөлінген қаржыға қол сұғудан бір тынар емес. Тек биылғы жарты жылдың өзінде әлгі шенеуніктеріміз барлығы 150 миллиард теңгені жымқырып қойыпты.
Бұл туралы Қазақстан Республикасы Қаржы министрлігінің Кірістер жөніндегі комитеттің алдын алу жұмыстары және бақылау басқармасының басшысы Арман Есембаев мәлім етті. Бұлар негізінен мемлекеттің әлеуметтік бағдарламасына бөлінген қаржы көрінеді.
Ал енді осыншама мол дүниеге не істеуге болар еді? Қарап отырсаң, көптеген игі істер атқарылып, бірталай шаруаның беті бері қарар еді деп жазады Аваі.kz. Мәселен, осыншама қаржыға 1200 балаға арналған 70 мектеп, 80 балабақша, немесе жақсы жарақталған 40 аурухана салып тастауға еркін жетеді екен.
Мінекей, шенеуніктеріміз жемқорлығынан қаншама бала мектепсіз, қаншама сәби балабақшасыз, қаншама сырқат ауруханасыз қалды. Әй, оған ұра берсең, семіре беретін борсыққа ұқсас шенеуніктеріміздің жаны аши қояр дермісің.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз