Қарағанды облысында педофилден зорлық көрген бес жасар қызға ота жасалды, деп хабарлайды Қазақпарат.
Бүлдіршінге ота жасалды. Оның жағдайы орташа ауыр. Толықтай кешенді медициналық көмек көрсетіліп жатыр», – деп хабарлады Қарағанды облыстық денсаулық сақтау басқармасының баспасөз хатшысы Айжан Иса.
Ота сәтті жасалды. Қыз бала қазір ата-анасымен бірге. Науқас қыздың өзі мен ата-анасына психологтар көмек көрсетіп жатыр.
Бұған дейін хабарлағанымыздай ер адам 5 жасар қызды алдап пәтеріне апарып, зорлағанын мойындаған еді. Тергеу аяқталған соң сержант шеніндегі қарауыл ашулықтан өзін ұстай алмай педофилді соққыға жықты.
Ал педофилді соққыға жыққан полицей кепілақша төлеп, бостандыққа шықты. Алайда ҚР Қылмыстық кодекстің «Қызмет бабын асыра пайдалану» бабы бойынша қозғалған істі тергеу амалдары аяқталғанша полицей бостандықта жүре алады.