Президент әкімшілігінің басшысы келесі жылы зейнетке кетпейді – Мемлекет басшысы Нұрсұлтан Назарбаев Президент әкімшілігінің басшысы Әділбек Жақсыбековтің өкілеттігін ұзартты, деп хабарлайды Ақорданың ресми сайты.
“Мемлекет басшысының Жарлығымен “Қазақстан Республикасының мемлекеттік қызметі туралы” Қазақстан Республикасы Заңына сәйкес Қазақстан Республикасы Президенті Әкімшілігінің Басшысы Әділбек Рыскелдіұлы Жақсыбековтің өкілеттігі зейнеткерлік жасқа толған күннен бастап, 2022 жылғы 26 шілдені қоса алғандағы мерзімге дейін ұзартылды”, — делінген хабарламада.
Ол қазіргі уақытта 62 жаста, Әділбек Жақсыбеков 1954 жылғы 26-маусымда дүниеге келген. Бұл қызметке Нұрлан Нығматулиннің орнына келген болатын.