Италияның Неаполь қаласы маңында 5 қабатты тұрғын үй құлады.
Құтқарушылардың айтуынша, қиранды астында 2 отбасының мүшесі, шамамен 8 адам қалып қойған болуы мүмкін. Арасында балалар бар деп хабарлады “Хабар-24” телеарнасы.
Оған қоса үй құлардың алдында ғана жанындағы темір жолдан пойыз өткен.
Қазір оқиға орнына құтқарушылар келіп, іздеу-құтқару жұмыстарын жүргізіп жатыр. Оқыс оқиғаға байланысты теміржол қатынасы тоқтатылды.