Назарбаев Түркия мен Ресейдің арасындағы алауыздықты қалай жойды?
Елбасының көмекшісі Нұрлан Онжанов Нұрсұлтан Назарбаевтың Ресей-Түркия арасындағы дағдарысты қалай қалыпқа келтіргенін айтып берді, деп хабарлады ҚазАқпарат.
Ресей-Түркия қатынасын реттеудегі Назарбаевтың рөлі жайында «Хабар» телеарнасынан көрсетілген «Бітімгер миссиясы» деректі фильмінде айтылды.
«Ресей ұшағы құлағаннан кейін төрт күннен соң Түркия президенті Режеп Тайып Ердоған біздің президентпен байланысқа шықты. Бірден айтайын, бұл әңгіме оңайға түскен жоқ, себебі Нұрсұлтан Назарбаев Түркия қарулы күштерінің ісін құптаған жоқ», – дейді Нұрлан Онжанов.
Ол Қазақстан президентінің кез-келген араздықты бейбіт жолмен шешуді құптайтынын атап өтті.
«Әңгіме барысында мемлекет басшысы Ресей мен Түркия арасында ұзақ жылдар бойы қалыптасқан достық қарым-қатынас туралы еске салып, жанжалды бейбіт жолмен шешу мүмкіндігі туралы айтты. Сөз соңында Ердоған Ресей президентімен келіссөз жүргізуге келісімін берді», – деп түсіндірді Онжанов.
Дереккөз: stan.kz
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз