Бас прокурор Василий Нидің ісіне қатысты қызық пікір айтты
Елдің бас прокуроры Жақып Асанов бір миллион доллар пара алса да түрмеде отырмай, емін-еркін жүрген «Хоргос» халықаралық сауда орталығының бұрынғы президенті Василий Ни туралы сөз қозғады, деп хабарлайды Zakon.kz тілшісі.
«Бұл іске қатысты дау-дамайдың шыққаны, тіпті, жақсы. Бұл біздің қоғамымыздың ақылды болып келе жатқанының белгісі. Қоғам белсенді болып барады. Екінші жағынан, мемлекеттік органдар мен соттардың жұмысы ашық болып жатыр. Бірнеше жыл бұрын мұның бәрі жабық күйі қалатын, қазір бәрі ашық»,
– деді ол журналистердің сұрағына жауап беру барысында.
«Егер менің жеке пікірімді білгіңіз келсе, мұны мен шешпеймін, Парламент шешеді. Біз ҚР ҚК 65-ші бабын да өзгертуіміз керек. Менің пікірімше, мұндай қылмыс үшін мұндай бап қолданылмауы тиіс, бірақ судья заң бұзды деп айтуға да болмайды»,
— деді ол.
Ксения Давыдова, Астана
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе