“Тағы да нөсер жаңбыр жауады”. Синоптиктер күннің күрт суытатынын болжады

Еліміздің кейбір аймақтарында жел күшейіп, бұршақ жауады және үсік жүреді.

Қазгидрометтің хабарлауынша, 30-мамырда Ақмола, Солтүстік Қазақстан, Қарағанды, күндіз Павлодар облыстарында қатты жаңбыр жауады.

“Кей жерлерде найзағай күтіледі, бұршақ болуы ықтимал. Оңтүстік-батыстан соғатын жел солтүстік-батысқа ауысады, күші 15-20, екпіні 23-28 м/с. Ауаның температурасы күндіз 10-18 градусқа дейін төмендейді. Түнде 31-мамырда кей жерлерде 3 градусқа дейін суық боп, үсік күтіледі”, – делінген хабарламада.