Әнші Жеңіс Ысқақова болашақ келініне сырға салып, той болатын күнді белгілеп қойыпты.
Бұл туралы Астана телеарнасының «Ел аузында» бағдарламасында айтылды.
«Сырға салдық. Той әлі алда. Алла бұйырып, сырғасын салып, той болатын күнді белгілеп қойдық. Кейбір қыз жігіті әскерге кеткен кезде 2 жыл күтпейтін еді. Екеуі – құрдас, бір-бірінің алғашқы махаббаттары. Ұлым шетелге оқуға кетіп бара жатқанда танысқан қызы. Ұлымды ол 5 жыл күтті.
Тойлары қыркүйекте өтеді. Өйткені, екі тараптың өздерінің жоспарлары болып тұр.
Келінім менімен бірге тұрады. Немерем аяқ-қолын жиып, екінші ұлым отбасылы болғанға дейін бірге тұрамыз», – дейді Жеңіс Ысқақова.
Жеңіс ханымның келіні Алматының тумасы екен.
Әнші әлеуметтік желідегі жеке парақшасында: „Аллаға шексіз шүкір! Менің балапанымның болашақ жары – Каринаға сырға салу рәсімінен„ деп мына видеоны жариялапты.