Облыс әкімі кроссовки киген журналист қызды кіргізбей қойыпты
Атырау облысының әкімдігінде қатаң дресс-код (киім кию тәртібі) енгізіліпті. Енді әкімдік ғимаратына жай, жұпыны киінген адамдарды кіргізбейді екен.
Күні кеше, сәуірдің 21-і күні жергілікті “Ақ Жайық” басылымының журналисі Зүлфия Байнекееваны «киімің жарамайды» деп әкімдік ғимаратына кіргізбей қойыпты.
“Бұл менің күнделікті киетін, қарапайым киімім еді. Үстімде жеңіл былғары куртка, блузка және шалбар болды, көзілдірік тағып, тәп-тәуір адам сияқты келген едім. Бірақ әкімдіктегілер қара түсті кроссовкиімді көріп, мені кері қайтарып жіберді. Мен редакцияның тапсырмасымен облыстық мәслихаттың сессиясына қатысуым керек еді. Әкімдіктің баспасөз хатшысы Саламат Сабыр да көмектесе алмады“,
“Поицейлер «қатайып» алған – болмайды деп тұрып алды. Мұнысы несі? Журналистің жұмысы сондай емес пе, олар әдетте күнделікті жүріс-тұрысқа ыңғайлы болуы үшін спорттық стильде киінеді ғой. Киімім үшін кіргізбей қою деген бұрын-соңды мен барған жерлерде болған емес. Тіпті жасы келген, консервативті деген бұрынғы әкім Бақтықожа Ізмұхамбетов те журналистердің киіміне қарамайтын“,
деп жазады күйінген журналист.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе