Ақмола облысында су басқан үйден әйелдің өлі денесі табылды

Ақмола облысы Сандықтау ауылында су басқан үйлердің бірінен табылған әйелдің неден қаза тапқаны анықталды.

Бұл туралы Ақмола облыстық ішкі істер департаментінің баспасөз қызметі хабарлады.

16-сәуірде ауыл тұрғындарын көшіріп жатқан кезде суға кеткен үйлердің бірінен 59 жастағы әйелдің мүрдесі табылған болатын. Полиция әйелдің қазасына тасқын су себеп емес екенін хабарлап отыр.

“Сот-медициналық сараптама қорытындысы бойынша әйел жүрек ұстамасынан қайтыс болған. Әйелдің өлімі су тасқынымен байланысты емес”, — деп хабарлады полицейлер.