Вице-министр сасып қалды. Депутат балабақшаларда бос тұрған 7 мың орын туралы сұрады
Мұндай мәлімет бүгін депутаттардың ашуын туғызды.
Себебі ата-аналар осы кезде ұл-қыздарын мектепке дейінгі мекемеге орналастыра алмай қиналып жүр деп хабарлады КТК телеарнасы.
Наталья Жұмаділдаева, Мәжіліс депутаты:
-Еліміздің барлық балабақшасында 814 мың орын бар. Бірақ, құжатта соның 807 мыңы бос емес деп көрсетілген. Сонда қалған 7 мың орын неге берілмейді? Қағазда қателік кеткен бе? Әлде бұған басқа себеп бар ма?
Бірақ Мәжіліске балабақшалардың жұмысын жетілдіру туралы құжатты алып келген Білім және ғылым вице-министрі бұған мардымды жауап бере алған жоқ.Тек Суханбердиева 160 мыңнан астам бүлдіршіннің кезекте тұрғанын айтты.
Ал мәселені шешу үшін алдағы екі жылда 2 мыңға жуық балабақша салынбақшы.
Бірақ, тапшылық жойылғанымен, тәрбиешілер аз. Сондықтан министрлік олардың жалақысын өсіруді де сұрап отыр. Өйткені, жалақысы мардымсыз болғандықтан бұл жұмысқа көбі барғысы келмейді.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз