Көкшетауда шала туған сәби жүрегіне ота жасалып, аман қалды
Көкшетау перзентханасында дәрігерлер бір ай бұрын жаңа туған нәрестенің жүрегінен өте күрделі ота жасады.
700 грамм болып туылған сәбидің қазіргі салмағы – 1300 келі шамасында деп хабарлады sputniknews.kz.
Нәресте 30 қаңтарда бар болғаны 700 грамм салмақпен туған. Дәрігерлер жаңа туған сәбидің жүрегінде ашық артериалдық түтікше бар екенін анықтайды.
“Ашық артериалдық түтікше ұрықтың эмбрионалдық қан айналымын қамтамасыз етеді. Бала туғаннан кейін ол екі тәулік ішінде өзі жабылады. Егер сәби күні жетпей туса, ашық артериалдық түтікшені жабу үшін ота жасау қажет”, — деді Ақмола облысының бас штаттыс тыс неонатологы Наталья Чжен.
Ақмола облыстық перинаталдық орталығында мұндай ота алғаш рет жасалыпты, сондықтан Көкшетауға астаналық кардиохирургиялық орталықтың дәрігерлері — кардиохирург Бақытжан Нұркеев пен анестезиолог Әсел Қабақанова шақырылған. Нәрестенің жүрегіне операция 25-ақпан күні жасалған, бірақ журналистерге тек қазір хабарлап отыр. Өйткені дәрігерлер кішкентай қыздың өміріне еш қауіп жоқ екеніне сенімді.
Наталья Чжен сендіргендей, ота сәтті өткен, дәрігерлер сәбиді ары қарай емдей береді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз