ҚР Бас прокуратурасы желіде тарап жатқан парақорлық туралы мәліметке сенбеуге шақырды
ҚР Бас прокуратурасының ресми өкілі Нұрділдә Ораз WhatsApp арқылы прокуратура қызметкерлерінің арасында өршіп тұрған парақорлықты тоқтатуды сұраған құжаттарға байланысты мәлімдеме жасады.
Бұл туралы Tengrinews.kz хабарлады.
“Бұл жалған! Бас прокуратура осы іс бойынша тексеру жүргізді. Талғар аудандық ішкі істер басқармасы басшысының орынбасары М. Дүйсенбай ешқашан өтініш жазбағанын айтты, онда жазылған деректер шындыққа жанаспайды, онда қойылған қолтаңба онікі емес, сонымен қатар оның фамилиясы қате жазылған.
Ол 15-ақпанда денсаулығына байланысты жұмысқа шықпағанын айтады.
Соған қарамастан Бас прокуратура тексеру жұмыстарын бастап кетті, Талғар аудандық ішкі істер басқармасы және прокуратура қызметкерлерінен сұрау алынып жатыр”, – деді Нұрділдә Ораз.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе