Атырауда өз-өзін өртеген бұрынғы прокурордың шағымы қанағаттандырылмады
Атырауда өз-өзін өртеген бұрынғы прокурор Лейла Смадьяроваға қатысты сот үкімі өзгеріссіз қалды.
Бұл туралы Атырау облыстық сотының баспасөз қызметі хабарлады.
Биыл 16-наурызда Атырау облыстық сотының қылмыстық істер жөніндегі сот алқасы сотталушы Смадьярова және оның қорғаушыларының апелляциялық шағымдарын қарап, бірінші саты сотының үкімін өзгеріссіз, апелляциялық шағымдарды қанағаттандырусыз қалдырды.
Кейін Қазақстан Республикасы Тәуелсіздігінің 25 жылдығына орай рақымшылық заңын қолдану арқылы оған тағайындалған жаза мерзімі қысқартылды. Түпкілікті өтеу үшін 3 жыл 6 ай бас бостандығынан айыру жазасын жалпы режимдегі түзеу колониясында өтеу белгіленді.
Сондай-ақ, сот оның дүние мүлкін тәркілеп, мемлекеттік қызметпен айналысу құқығынан өмірбақи айырды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе