Майлыбаевтың ісі бойынша мәліметтер жарияланбайды – ҰҚК
ҚР Президенті әкімшілігі басшысының бұрынғы орынбасары Бағлан Майлыбаевты тергеуге қатысты мәліметтер жариялауға жатпайды.
Бұл туралы ҚР Ұлттық қауіпсіздік комитеті өкілдерінің Tengrinews.kz жолдаған сауалға берген жауабында мәлім болды.
“ҚР Қылмыстық-процессуалдық кодексінің 201-бабына, яғни “Сотқа дейінгі тергеп-тексеру деректерiн жария етуге жол бермеу” бойынша сотқа дейінгі тергеуге қатысты мәліметтерді жариялауға болмайды. Егер бұл тергеп-тексеру мүдделерiне қайшы келмесе және басқа тұлғалардың құқықтары мен заңды мүдделерiн бұзуға байланысты болмаса, прокурордың рұқсатымен қандай көлемде жария ету мүмкiн деп танылса, сол көлемде жария етiлуi мүмкiн. Тергеу мүддесіне байланысты мәліметтерді жариялауға болмайды”, – делінген.
Сондай-ақ, мемлекеттік құпияны жариялады деген күдікпен ҚР Президенті Әкімшілігінің қызметкері Николай Галихин ұсталған болатын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе