Ембі қаласының 39 жастағы тұрғыны өзінің үстіне бензин құйып өртеп, ішкі істер бөлімінің ғимаратына кірген.
Бұл туралы Ақтөбе облыстық ішкі істер департаментінің баспасөз қызметінен хабарлады.
Оқиға 12 ақпан күні түнде болған. Сағат 2.45-те Мұғалжар ауданы Ембі қалалық ішкі істер бөлімінің орталық есігінен белгісіз ер адам кіріп келген.
“Оның үстіндегі киімі өртке оранып жатты. Кезекшілер жалынды сөндіріп, бірден жедел жәрдем қызметін шақырған. Бірақ, кеш болатын. Ер адам сол жерде көз жұмды. Қазір өз-өзіне қол жұмсау фактісі бойынша сотқа дейінгі тергеу жұмыстары басталды”, – деп жазады aktobenews.kz.