Аягөзде екіқабатты тұрғын үй өртеніп кетті
Аягөз қаласында алапат өрт ауыздықталды.
Бұл туралы Шығыс Қазақстан облысы Төтенше жағдайлар департаментінің баспасөз қызметі хабарлады.
Түнде Шығыс Қазақстан облысы Аягөз қаласында екіқабатты тұрғын үй өртке оранды. 7 пәтер өртеніп, тұрғын үйдің шатыры жарамсыз болып қалды.
Өрттің шығу себебін ШҚО Төтенше жағдай департаментінің Өрт сөндіру және құтқару тобы зертханасының мамандары тексеріп жатыр. Қызыл жалын шамамен 300 шаршы метрді жалмаған.
Түнде өртке оранған тұрғын үйдің адамдары сыртқа шығарылды. Жергілікті билік өкілдері адамдары уақытша орналастыратын жер тағайындады. Алайда адамдар бұл көмектен бас тартып, туған-туысқандарының үйіне тарқасқан. Зардап шеккен және кісі өлімі фактісі тіркелмеді.
Өртті сөндіруге 3 техника, 20 өрт сөндіруші және №36130 әскери бөлімінің сарбаздары тартылған.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз