Ауғанстанда ұсталған лаңкестің аты-жөні анықталды.
Ол – 1989 жылы Атырау облысында дүниеге келген Зналиев Дамир Амангелдіұлы, – деп хабарлайды Tengrinews.kz.
“Жергілікті құқық қорғау органдары терроризм бойынша күдікті Қазақстан азаматын ұстады. Зналиев Дамир Амангелдіұлы 1989 жылы Атырау облысында дүниеге келген”, – дейді СІМ баспасөз қызметінің жетекшісі Әнуар Жайнақов.
Мұның алдында Ауғанстанның солтүстігінде екі содырдың ұсталғаны хабарланған. БАҚ ақпараты бойынша, олар Қазақстан мен Өзбекстан тумалары. Содырлардың аты-жөні Демир Зенлийов және Абдул Матин деп айтылған. Оларды ұстау кезінде ауғанстандық төрт тәліп мерт болған. Тағы бір ауғанстандық жараланып, қазір қамауда жатыр.