Сенсация! Өзбек теннисшісі Джоковичті жарыс жолынан «қағып» тастады

Әлемдік рейтингтің 117-ші орнында тұрған, өзбек туының астында теннис ойнайтын 30 жастағы Денис Истомин әлемнің екінші ракеткасы, сербиялық Новак Джоковичті жеңіп кетті.

Бұл күндері Австралияның Мельбурн қаласында үлкен теннистен «Үлкен дулыға» турнирі – Australian Open өтіп жатыр.

Жарыстың екінші айналымында турнирдің фавориті Новак Джоковичтің өзбек теннисшісінен жеңілетініне өзгені қойғанда, Истоминнің өзі әрең сенген шығар.