Өзбек екен! Reina клубына шабуыл жасады деген күдікті кінәсін мойындады
Өзбекстан азаматы Абдулқадыр Машарипов кінәсін мойындады, деп хабарлады Стамбул губернаторы Васип Шахинге сілтеме жасаған “Хюрриет Дейли” басылымы. Машариповты түрік полициясы 1 қаңтарда ыстамбұлдық Reina түнгі клубында террорлық шабуыл жасады деген күдікпен ұстаған болатын.
Губернатордың айтуынша, ол Ауғанстанда дайындықтан өткен, “Ислам мемлекеті” террорлық тобы атынан әрекет еткен.
Абдулқадыр Машариповтың ұсталғаны туралы дүйсенбі күні таңертең белгілі болды. Түрік баспасөзінің хабарлауынша, оны ыстамбұлдық Эсеньюрт ауданында қолға түсірген. Бір күн бұрын полиция күдікті тоқтаған пәтерден 150 мың доллар тапқан еді. Ол Ыстамбұлға шабуылдан екі апта бұрын келген.
Ресми емес мәліметтер бойынша, Машарипов Түркияға 2016 жылдың басында әйелі мен екі баласымен көшіп келіп, Конья қаласында пәтер жалдап тұрған. 15 желтоқсанда ол Ыстамбұлға террорлық шабуыл жасау үшін барған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе