Бішкектің түбінде құлаған түріктің жүк ұшағы Қазақстаннан май құйып алғаны белгілі болды
Дүйсенбі күні таңертең Бішкек маңында апатқа ұшыраған Түркияның ACT Airlines əуе компаниясының Boeing 747 жүк ұшағы бір күн бұрын – жексенбіде Астана əуе-жайында май толтырып алған.
Бұл туралы Қазақстанның инвестициялар және даму министрлігінің баспасөз қызметіне сілтеме жасап, Sputnik Қазақстан хабарлады.
“15-қаңтарда бұл ұшақ Астана əуе-жайына қонған. 16 сағат 11 минутта қонып, 16 сағат 21 минутта ұшып кеткен. Ұшақ бізден май толтырып, Гонконгқа ұшып кетті. Апат Гонконгтан Бішкекке ұшқан кезде болған”, — деді дереккөз.
Бұл ақпаратты flightradar24.com сайтының мәліметтері де растап отыр. Сайт деректеріне сәйкес, ұшақ алдымен Ыстамбұл-Астана-Гонконг бағытында рейс жасаған. Сосын Гонконгтан Бішкекке ұшқан. Boeing 747-400 жүк ұшағы “Манас” халықаралық әуежайынан 1,5 километрдей жерде апатқа ұшырады. Ұшақ әуежай маңындағы саяжай ауылға құлап, 32 үй қирады. Boeing Гонконг-Бішкек-Ыстамбұл маршруты бойынша рейсті атқарған.
Экипаж құрамында бес адам болған екен. Жалпы құрбандар саны – 37 адам.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз