“Асқаровты босатпайынша көмектеспейміз!”. Дүниежүзілік банк осындай талап қойып отыр
Журналистерді қорғау комитеті Дүниежүзілік банк басшылығына хат жазып, қырғыз билігі Асқаровты босатпайынша Қырғызстанға көмекті тоқтата тұруын сұрады. Бұл туралы комитет сайтында хабарланды.
Дүниежүзілік банк президенті Джим Ен Кимге жазылған хатта Қырғызстан үкіметі БҰҰ комитеті қаулысында көрсетілген міндеттерді орындап, Асқаровты босату керектігі айтылған. Дүниежүзілік банк 1992 жылдан бері Қырғызстанның түрлі жобаларына 1,3 миллиард доллар бөлген.
Еске салайық, Әзімжан Асқаров Жалал-Абад облысының Базар-Қорған ауданында адам құқығын қорғаумен айналысқан. 2010 жылғы маусым оқиғасынан соң оны жаппай тәртіпсіздік ұйымдастырды, милиция қызметкерін өлтіруге қатысты деген күдікпен ұстады. Соттың барлық сатысы оны өмірлік бас бостандығынан айырды.
2016 жылы сәуірде БҰҰ-ның адам құқықтары жөніндегі комитеті Қырғызстанды Асқаров ісін қайта қарауға шақырды. Асқаров ісін Шу облыстық соты қарап жатыр. Үкім 17 қаңтарда шығарылады.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз