Мектептегі жиналысқа қатысатын ата-аналарды жұмыстан босату міндеттеледі
Биылғы жылдан бастап ҚР Бiлiм және ғылым министрлiгi “Ата-ана сағаты” ұлттық күнiн өткiзудi қолға алмақшы.
Осыған орай министрлiк барлық жұмыс берушiлердi қызметкерлерiн ата-аналар жиналысына қатысу үшiн ертерек босатуды сұрайтын болады, деп хабарлайды Baq.kz.
“Ата-ананың бала тәрбиесiндегi рөлi төмендеп кеттi деген пiкiрмен келiсемiз. Ата-аналар жиналыстарға бармайды. Ата-аналардың 40 пайызына дейiн 11 жылда мүлде мектепке бармайды”, – дедi министр Ерлан Сағадиев бүгiн жастар мәселесi қаралған Үкiмет отырысында.
“Бiз барлық мемлекеттiк органдар, компаниялар, жеке секторды ата-аналарды жұмыстан ертерек босатуды сұрайтын боламыз. Оларға осы бiр-екi күнде ата-аналар жиналысына қатысуына мүмкiндiк беру керек”, – дейдi Ерлан Сағадиев.
Айта кетейiк, бұған дейiн министр Сағадиев қызметкерлердi жұмыс уақытында босату мәселесiн көтерген болатын. Өйткенi, оның айтуынша, қазiргi уақытта жұмысбасты ата-аналар бала тәрбиесiне дұрыс көңiл бөлмейдi.
“Жұмыс берушi қызметкерлердi уақытында, сағат алтыдан кейiн ата-аналарды үйге жiберсе, дұрыс болады деп есептеймiз. Мұндай тәжiрибе қажет. Ата-аналардың жұмыста кешiгуiнiң әлеуметтiк бағасы жоғары”, – деген едi ол.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе