Ақмола облысында кеніштен қаппен алтын ұрлаған кеншілер ұсталды
Төрт жұмысшыға алтыны бар руда ұрлады деген күдік келтіріліп отыр.
Ақмола облысында кварцты алтын рудасы бар 29 қаппен төрт кенші ұсталды, деп хабарлады өңірдің ішкі істер департаментіне сілтеме жасаған Sputnik Қазақстан.
Степногорск полициясына 5-қаңтарда “Қазақалтын” ТМК АҚ қызметкерлерінің телефон хабарламасы келіп түсті.
“Ақсу ауылындағы шахтада 1989, 1990, 1994 және 1988 жылы туылған төрт жұмысшы 29 қап кварцтық рудамен ұсталды. Мойындау түсініктері бар, дәлел заттары алынды. Олардың үшеуі жергілікті тұрғын, ал бір жігіт – Оңтүстік Қазақстан облысының тұрғыны”, — деді полицияда.
Аталған факті бойынша полиция ҚР Қылмыстық кодексінің 334-бабының 2-бөліміне сәйкес қылмыстық іс қозады. Сот алды тергеу ісі жүргізілуде.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз