Стамбулдың тұрғындары Түркіменстан азаматын түнгі клубқа шабуылдаған күдіктілердің біріне ұқсатып, соққыға жыққан деп хабарлайды жергілікті БАҚ.
Саяхатшы қашпақ болған, бірақ жергілікті тұрғындар оны ұстап алып, ұрып-соққан. Кейінірек, саяхатшыны полиция бөлімшесіне жеткізеді. Бірақ ол іздеудегі күдікті болмай шыққан. Сыртқы істер басқармасы түркімен азаматының визасының мерзімі өтіп кеткенін анықтаған. Оны депортациялау туралы шешім шығарған.
Соңғы мәліметтер бойынша, теракті құрбаны 39 адам, олардың 16-сы шетелдіктер. Шабуылды «Ислам мемлекеті» экстремистік тобы жауапкершілігіне алды.