АҚШ Сирия оппозициясына зенит-зымыран тасығышын жеткізбейді
АҚШ мемлекеттік департаментінің өкілі Марк Тонер 27 желтоқсанда өткізген баспасөз мәслихаты кезінде Құрама Штаттар Сирия оппозициясына зенит-зымыран тасығыш комплексін жеткізуді ойлап отырған жоқ деп мәлімдеді.
Бұл мәлімдеме Ресей АҚШ-ты сириялық оппозицияға зымыран тасығышты жеткізу қаупі бар, бұл қару жиһадшылардың қолына түсуі мүмкін деп айыптаған соң жасалды.
“Бұған дейін де осы секілді айыптауларды естіп келдік. Зенит-зымыран тасығыш комплексіне қатысты біздің ұстанымымыз өзгермеді. Егер аталған қару Сирияға жетер болса, біз қатты алаңдайтын едік,” – деп мәлімдеді Мемлекеттік департаменттің баспасөз қызметінің өкілі.
Осының алдында Ресейдің сыртқы істер министрлігі Барак Обама қол қойған АҚШ-тың қорғаныс бюджеті туралы заңда көрсетілгендей, Сирия үкіметіне қарсы отрядқа қару жеткізер болса, Сирияда жаңа құрбандар саны артуы мүмкін деп мәлімдеген.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе