“Дос болайықшы енді”. Путин Трампты татуласуға шақырып жатыр
АҚШ-тың жаңадан сайланған президенті Дональд Трамп Ресей президенті Владимир Путиннің хатын жариялады. Онда ресейлік басшы Трампты екі жақты қарым-қатынасты қалпына келтіруге шақырған.
Путин Мәскеу мен Вашингтон арасындағы әріптестікті кеңейтуге үміттенеді. Ресей мен АҚШ арасындағы қарым-қатынас Қырымның Ресеймен аннексиялануы мен Украинаның шығысындағы қарулы жанжалдардан, бұған қоса АҚШ Демократиялық партиясына хакерлік шабуылдардан соң күрт суып кеткен еді.
Ресей президенті жаһандық және аймақтық қауіптердің күшейгеніне алаңдайтынын айтып, әлемдегі қауіпсіздік пен тұрақтылықты қамтамасыз ету үшін екі жақтың тіл табуы маңызды екенін жазған.
15 желтоқсанда жолданған хатта Путин Трампты Рождество және Жаңа жылмен құттықтаған.
Ресей президентінің баспасөз хатшысы Дмитрий Песков ресейлік басшының Трампқа құттықтау хат жолдағанын растады.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз